USAID - Озмун барои хабарнигорон

Лоиҳа оид ба кишоварзӣ ва обёрӣ дар доираи ташаббуси “Озуқаворӣ ба хотири оянда” дар Тоҷикистон озмуни навбатиро миёни хабарнигорони ВАО дар мавзӯи инъикоси масоили зерин эълон мекунад:

“Маърифати обёрӣ”

– Муҳофизати муҳити зист, мушкилот бо партовҳо ва зарари он барои саломатии инсон;

– Натиҷаи ифлос шудани заҳбуру заҳкашҳо, саривақт тоза кардани заҳбуру заҳкашҳо – натиҷаи зиёд шудани масоҳати заминҳои кишорварзӣ, истифодаи самараноки об, нақши ассотсиасияҳои истифодабарандагони об.

“Боғдори муосир”
– Роҳҳои бартараф кардани ҳашароти зараррасон;

– Истифодаи технологияҳои навини кишоварзӣ;

– Ниҳолхонаҳо ва тарзи дуруст интихоб намудани тухмӣ ва ниҳол.

“Ғизои солим”
– Истифода аз меваю сабзавоти серғизо: брокколи, испаноҷ, карами пекинӣ;

– Маҳсулоти ширӣ, таомҳо ва ретсептҳои мувозин/серғизо.

Маводи пешниҳодгардидаро 5 узви комиссияи таъсисдодаи созмон аз ҳисоби коршиносони маъруф баҳогузорӣ мекунанд.

Меъёрҳои муайян кардани ғолибон: пайваста инъикос намудани мавзӯъҳо, аҳамияти мавзӯъ, пешниҳоди ҳирфаӣ, вокуниш ба матлаб, дарёфт ва пешниҳоди мантиқии маълумоти зарурӣ вобаста ба масоили номбаршуда.

Мӯҳлати пешниҳоди матлаб ба озмун аз 1 май то 1 августи соли 2018

Ғолибони асосӣ соҳиби туҳфаҳои арзишманд мегарданд.

Аз ҷумла:

Барои беҳтарин матлаб дар нашрияҳо – аксбардори рақамӣ

Барои беҳтарин матлаби радиоӣ – планшет

Барои беҳтарин матлаби телевизионӣ – ноутбук

Ёдоварӣ аз дастовардҳои лоиҳа ва иқтибосу суҳбати мутахассисони он истиқбол мешавад.

Барои иштирок дар озмун маводи пахшу нашрhttps://untj.org/?page_id=3389шудаи худро ба нишонии: Хиёбони Рӯдакӣ 127, Рӯдакӣ-Плаза, Душанбе, Тоҷикистон, (дафтари Лоиҳа оид ба кишоварзӣ ва обёрӣ дар доираи ташаббуси озуқаворӣ ба хотири оянда) ва ё ба почтаи электронии fielddfund@tawa.tj ирсол намоед.